FSHF u jep fund spekulimeve: Panucci, trajner i kombëtares deri në 2020, synojmë Europianin

Federata Shqiptare e Futbollit (FSHF) u ka dhënë fund të gjitha spekulimeve të mediave se është në kërkim të një trajneri të ri për të zëvendësuar Christian Panuccin.

Me një njoftim në faqen zyrtare, qeveria e futbollit shqiptar ka shuar çdo aludim duke nënvizuar se Panucci do të vazhdojë punën në krye të kuqezinjve deri në përfundim të eliminatoreve të Euro 2020, siç është përcaktuar edhe në kontratën e tij.

Nisur nga disa spekulime dhe lajme abuzive që kanë qarkulluar në disa media orët e fundit, Federata Shqiptare e Futbollit dëshiron t’iu informojë se nuk është aspak e vërtetë që jemi në kërkim të një trajneri të ri për Kombëtaren Shqiptare të Futbollit. FSHF është duke punuar dhe bashkëpunuar maksimalisht me trajnerin Panucci për të arritur rezultate sa më të larta në kualifikueset për Kampionatin Europian 2020.-FSHF

Pas humbjes turpëruese 0-4 në “Loro Boriçi” kundër Skocisë, të paktë ishin ata që mendonin se Panucci do të qëndronte në krye të Kombëtares edhe për të ardhmen. Duket se fitorja me Uellsin në miqësore, por mbi të gjitha dëmshpërblimi I majmë që Panucci përfiton në rast shkarkimi ka detyaruar federatën të vijojë bashkpunimin.

Leave a Reply

Your email address will not be published. Required fields are marked *